Қазақстан Республикасы ІІМ Барымбек Бейсенов атындағы Қарағанды академиясының өкілдері кәсіби бағдар беру үшін облыс орталығының орта мектептеріне барды, деп хабарлайды Qyzyljarnews.kz тілшісі.
Аталған жоғары оқу орнында білім алудың артықшылықтары туралы Петропавлдағы мектептердің болашақ түлектеріне ІІМ Барымбек Бейсенов атындағы Қарағанды академиясының оқытушысы Надежда Ахметжанова айтып берді.
— Шығармашылық емтихандардан, қазақ, орыс тілдері мен әдебиеттерінен басқа бейіндік пәндердің кез-келген өзге комбинациясына жол беріледі. Оқыту тегін, курсанттарға стипендия тағайындалып, барлық қажеттіліктермен қамтамасыз етіледі. Оқуды бітіргеннен кейін, курсанттар «полиция лейтенанты» деген атағын алады. Сондай-ақ оларға ішкі істер органдарында жұмысқа орналасуға кепілдік беріледі,- дейді Надежда Ахметжанова.
Сонымен қатар Қарағанды академиясы жоғары оқу орнынан кейін білім алуға мүмкіндік беретінін айта кеткен жөн. Онда полиция қызметкерлері магистратурада немесе докторантурада оқып, кәсіби деңгейін көтере алады.
Фото: СҚО ПД баспасөз қызметі
