Жыл басынан бері солтүстікқазақстандық жедел уәкілдер іздеуде жүрген 11 қылмыскерді анықтады, деп хабарлайды Qyzyljarnews.kz.
Өткен жылдың қазан айында Петропавлдағы көлік жөндеу шеберханаларының бірінің қызметкері белгісіз адамның шабуылына ұшыраған. Қаскүнем жәбірленушіні ұрып-соғып, одан 51 мың теңге қаражатты күштеп алып кеткен. Қалалық полиция басқармасы екінші полиция бөлімінің қызметкерлері өңір аумағынан шығып кеткен, осыған ұқсас қылмыстары үшін бұрын бірнеше рет сотталған Рудный қаласының 34 жастағы тұрғынын анықтады. Қазіргі уақытта күдікті қамауда отыр.
– Қылмыскерлерді іздестіру — криминалдық полиция бөлімшелерінің маңызды міндеттерінің бірі. Әрбір факті бойынша полицияның өзге қызметтерімен және аумақтық бөлімшелермен өзара байланыс орнатылады, – дейді криминалдық полиция басқармасының бастығы Иван Терзиди.
