Солтүстік Қазақстан облысының тұрғыны қызанақ жеп, тұнғышып қайтыс бола жаздады. Абырой болғанда, ер адамды уақытында жеткен жедел жәрдем қызметінің мамандары құтқарды, деп хабарлайды Qyzyljarnews.kz тілшісі.
Жедел жәрдем қызметініеің «103» нөміріне қоңырау кешкі уақытта түсті. Облыс тұрғыны әкесінің кенеттен құлап, тұншыға бастағанын айтты. Салдарынан 77 жастағы ер азамат есінен де танып қалды.
– Шақыруға фельдшер Диана Сандыбаева мен санитар-фельдшер Дәулетхан Наймановтар келді. Тексеру кезінде науқастың жағдайы өте ауыр болды, бұл критикалық гипоксияға байланысты. Сатурация деңгейі 30% құраған. Гипоксиялық комаға түскен азаматты құтқару керек болды. белгілі болғандай, тыныс алу жолдарында қызанақтың бір бөлшегі тұрып қалды. Қызметкерлеріміз көкөністің қалдықтарын шығарып, зардап шеккен азаматтың тыныс алу жолдарын тазартты, — дейді жедел жәрдем орталығының өкілдері.
Ер адам көпсалалы облыстық ауруханаға желдеткішпен жеткізілді. Сатурацияның өсуі 94% — ға дейін өсті. Орталықта барлық санитарлар BLS (өмірді базалық қолдау) базалық реанимацияның халықаралық стандарттарына оқытылғанын атап өткен жөн.
