446
Солтүстікқазақстандық параатлет Александр Герлиц парабиатлоннан қола жүлдеге қол жеткізді. Жерлесіміз АҚШ-тың «Солджер Холлоу» тау базасында өткен әлем кубогінің кезекті кезеңінде бағын сынаған болатын, деп хабарлайды Qyzyljarnews.kz тілшісі.
АҚШ-та өткен парабиатлон мен парашаңғыдан әлем кубогінің кезеңі наурыздың 1-і мен 8-і күндері аралығында өтті. Бұған дейін жерлесіміз Ербол Хамитов жүлдегерлер қатарынан көрінсе, осы жолы Александр Герлицтің айы оңынан туып, қола медальді еншіледі.
Александр Герлицтің командаласы Ербол Хамитов төртінші орын бұйырды.
Естеріңізге салсақ, тура бір жыл бұрын Паралимпиадада Александр Герлиц үшінші орынды иеленген болатын.
