СҚО-да 4 күн ішінде кәмелетке толмағандардың түнгі уақытта тұрғын үйден тыс болудың 100-ден астам фактісі анықталды, – деп хабарлайды Qyzyljarnews.kz тілшісі.
Наурыз айының 9-ы мен 12-сі күндері аралығында облыста «Жасөспірім» жедел алдын алу іс-шарасы өтті. Оның аясында жастардың ықтимал жиналу орындары бойынша рейдтер жүргізілді. Полицейлер түнгі уақытта кәмелетке толмағандардың ата-ана қарауынсыз жүрудің 110 фактісін тіркеді, оның 16-сы Петропавлда анықталды. 8 жасөспірім мас күйде болғаны белгілі болды. Салдарынан құқық бұзған азаматтардың әкелері мен шешелері әкімшілік жауапкершілікке тартылды.
Петропавлда ювеналды полицейлер 60-тан астам мекен жайға барды. Аралау нәтижелері бойынша бір алкогольді асыра пайдаланатын ата-ана мен үш жасөспірім есепке алынды. Солардың біріне анасының өзі шара қолдануды өтінді. Белгілі болғандай, 16 жастағы жасөспірім үйден бірнеше рет өз еркімен кетіп қалған.
– Енді онымен профилактикалық жұмыс жүргізілетін болады, қайталанған құқық бұзушылықтар кезінде кәмелетке толмағандар істері жөніндегі комиссияның отырысына материал жиналуы мүмкін. Сондай-ақ рейд барысында полиция қызметкерлері мектептерге сынып сағаттары мен ата-аналар жиналыстарына қатысу үшін келді. Олар қауіпсіз мінез-құлық ережелері туралы айтып, заңдылықты бұзғаны үшін жауапкершілікті еске салды. Жүргізіліп жатқан жұмыстың мақсаты — кәмелетке толмағандардың оларға қатысты да қылмыстар мен құқық бұзушылықтар жасауына жол бермеу, – дейді Петропавл қаласы ПБ ЖПҚ бөлімінің ювеналды полиция бөлімшесінің бастығы Оңалбек Әбдікәрімов.
Іс-шара барысында барлығы 176 әкімшілік құқық бұзушылық анықталды. Оның ішінде кәмелетке толмаған балаларды тәрбиелеу жөніндегі міндеттерді орындамағаны үшін 46 заңды өкіл жауапқа тартылды.
