Қазақстан Республикасы Парламенті Мәжілісі және мәслихат депуттарын кезектен тыс сайлауына өңірден бастапқыда 13 кандидат тіркелсе, қазір олардың саны 10-ға жетті. Үміткерлердің бірі Мереке Мұхамедияров саяси науқанға қатыспайтынын жеткізді, деп хабарлайды Qyzyljarnews.kz тілшісі.
Бұған дейін депутаттыққа үміткер ретінде тіркелген Мереке Мұхамедияров өз еркімен саяси науқанға қатыспауы туралы шешім қабылдады. Ол сайлауда басқа кандидатқа сенім артып отырғанын алға тартуда.
– Ойлана келе мен осындай шешім қабылдадым. Өзімнің Парламент Мәжілісі депутаттығына кандитатурамды Еркебұлан Нұрмағамбетұлы Мәмбетовтің пайдасына алып тастадым. Жерлесіміз облыстың барлық мәселелерімен етене таныс, оларды шеше алады деп ойлаймын. Еркебұлан Нұрмағамбетұлы жеңіске жетуін тілеп отырмын, – деді Мереке Мұхамедиров.
Естеріңізге салсақ, сайлаудан Асылбек Қожахметов пен Юрий Захаров шеттетілді.
