Петропавлда жеті «SOS» түймесі жұмыс істейді, – деп хабарлайды Qyzyljarnews.kz.
Бүгінгі таңда халық үшін полициямен әртүрлі байланыс арналары құрылған. Кез келген азамат қоңырау шала алатын «102» нөмірі, СМС-хат жолдайтын алатын «102» мобильді қосымшасынан бөлек, Петропавлда «SOS» түймесі де жұмыс істеп келеді. Қаланың шағынаудандарында қойылған қондырғылардың көмегімен тұрғындар кез келген уақытта тәртіп сақшылардың көмегіне жүгіне алады.
Петропавлда бұл қондырғылар 2021 жылы орнатыла басталды. Сол уақыттан бері арнайы түймелердің көмегімен жедел басқару орталығына 7 шақырту түсті. Нәтижесінде қала тұрғынын тонаған азамат ұсталып, екі адам әкімшілік жауапкершілікке тартылды.
СҚО полиция департаментінде атап өткендей, «SOS» түймелері қоғамдық орындарда қауіпсіздіктің алдын алу және қауіпсіздікті ұйымдастырудың қосымша шарасы саналады. Телефон сөніп тұрған сәтте және уақыт тығыз жағдайда полицияға қоңырау шалу үшін көп көмегін тигізеді. Полиция қызметтерінің қол жетімділігі, цифрландыру, процестерді автоматтандыру — адамның қажеттіліктеріне бағытталған жұмыстың сервистік моделін құрудың негізгі факторларының бірі.
