Шал ақын ауданындағы Бірлік ауылында жаппай көкпар ұйымдастырылды

Бірлік ауылында Наурыз мейрамына орай көкпардан жарыс өтті. Додаға барлығы 100-ге тарта көкпаршы қатысты, деп хабарлайды Qyzyljarnews.kz тілшісі.

Жаппай көкпардан Солтүстік Қазақстан, Ақмола, Қостанай, Жетісу және Алматы облыстарының көкпаршылары қалыс қалмады. Жүлде қоры 1 млн. теңгені құрап, ойынға «өгіз өлді» деп бір тай тігілді. Жарыс барысында жалпы 20 салым жасалып, әр жеңімпазға ақшалай сыйлықтар табысталды.

Дүбірлі аламанды «Zha Group» компаниясының басшысы Жәнібек Есілбаев ұйымдастырды.

– Дүбірлі жарыс облыста алғаш рет өтті. «Өгіз өлді» деп қосымша екі ойын ойнатылып, Қостанай өңірінің көкпаршысы 100 мың теңгені, көкшетаулық азамат бір тайды жеңіп алды, – дейді Жәнібек Есілбаев.