Солтүстікқазақстандық былғары қолғап шебері Евгений Павлов кәсіпқой рингте кезекті рет жеңіске жетті. Осы жолы жерлесіміз техникалық нокаутпен мексикалық боксшы Хуан Карлос Мирелесті тізе бүктірді, деп хабарлайды Qyzyljarnews.kz тілшісі.
Евгений Павлов (8-0, 6 КО) Мексиканың Мехикали қаласында өткен бокс кешінде өнер көрсетті. Екінші жеңіл салмақ дәрежесінде сынға түскен жерлесіміз мексикалық Хуан Карлос Мирелеспен (8-3-2, 6 КО) қолғап түйістірді. Бұл жекпе-жек 8 раундқа жоспарланса да, кездесу уақытынан бұрын аяқталды. Петропавлдық спортшы қарсыласын техникалық нокаутпен екінші раундта ұтты. Осылайша «WBA International» тұжырымы бойынша әлем чемпионы Евгений атағын қорғап, кәсіби мансабындағы тоғызыншы жеңісіне қол жеткізді. Қазіргі уақытта Евгений Павлов екінші орта салмақтағы «абсолютті» чемпион Сауль «Канело» Альвареспен бірге жаттығуда
