Қоғамдық кеңесте мектеп оқушыларын тамақпен қамтамасыз ету жайы қаралды. Облыстық білім басқармасы басшысының орынбасары Елена Гонтарь өңіріміздегі 450 мектепте бір реттік тамақтандыру ұйымдастырылғанын, оның ішінде 439 мектепте ыстық тамақ берілсе, 11 мектепте буфет жұмыс істейтінін жеткізді, деп хабарлайды Qyzyljarnews.kz тілшісі.
Бүгіндері облыстық білім басқармасы бөлінген қаржыға сәйкес төрт апталық мәзір әзірледі. Оған сәйкес қала мен аудандар өз ас мәзірін бекітті. Петропавл қаласында тамақтану құны — 550 теңге, аудандарда 500 теңгені құрап отыр.
– Бүгінгі таңда бастауыш сыныптарда 31180 бала оқиды. Оның 9102-сі тегін тамақпен қамтылған. Алдағы оқу жылында бастауыш сынып оқушыларын тегін тамақпен қамту үшін басқарма бюджеттік комиссияға 1052,2 млн.теңгеге өтініш жіберді, – деді Елена Гонтарь.
