Облыстағы елді мекендер тұрғындарын сапалы тіршілік нәрімен қамту үшін 16 млрд. теңге бағытталады, деп хабарлайды Qyzyljarnews.kz тілшісі.
Бүгінгі таңда солтүстікқазақстандықтардың 84 пайызы сапалы ауыз суды пайдаланады. Өкіншітісі қалғандары өзге ауылдардан суды жеткізумен әлек. Бұл мәселе облыс әкімінің жіті назарында.
Облыстық энергетика және тұрғын үй-коммуналдық шаруашылығы басқармасы басшысының міндетін атқарушы Павел Шилов биыл су желілерін тарту жұмысының ауқымы 22,8 мың тұрғыны бар 35 елді мекенді қамтитынын жеткізді. Бұдан бөлек, 250 шақырым су желісі қайта жаңғыртылып, бір мыңға жуық үйге сапалы ауыз су тартылатынын айтты.
СҚО әкімі Айдарбек Сапаров барлық ауданда бөлінген қаражаттың уақтылы игерілуін қадағалауды, жобалардың жоспарға сәйкес іске асырылуына жағдай жасауды, өз міндетіне салғырт қараған мердігерлермен келісім-шартың күшін жоюды, қала әкіміне су тарату желілерін жаңғырту бойынша жобалық-сметалық құжатты уақтылы дайындауды тапсырды. Егер бұл тапсырмалар тиянақты орындалса, жыл соңына дейін өңір халқының 87,9 пайызы тіршілік көзімен қамтамасыз етілетін болады.
