301
Облысқа Саха Республикасының инвестицияларды тарту және экспортты қолдау агенттігі өкілдерінен құралған делегация келді. Меймандар өңірдегі бірқатар өндіріс орнын аралады, деп хабарлайды Qyzyljarnews.kz тілшісі.
Алдымен Саха республикасының өкілдері «Зенченко и К» командиттік серіктестігіне барып, кәсіпорынның тыныс-тіршілігімен танысты. Өткен жылы өндіріс ошағында 146 мың тоннадан астам сүт өңделді. Нәтижесінде 36 мың тоннаға дейін дайын өнім шығарылды. Кейін меймандар Чапаево ауылындағы 700 басқа шақталған «Қызылжар сүт» тауарлы-сүт фермасында болды. Заманауи нысан 2019 жылы пайдалануға берілді. Қазір мұндағы бір сиыр тәулігіне шамамен 27 литр сүт береді екен.
