476
Сәуір айының басында 3 облыс тұрғынын кене шақты. Оның екеуі кәмелеттік жасқа толмаған бала болса, біреуі ересек, деп хабарлайды Qyzyljarnews.kz тілшісі.
СҚО санитарлық-эпидемиологиялық бақылау департаментінің жетекшісі Әсет Жұматаевтың айтуынша, өткен жылы кене шағудың 672 фактісі анықталып, кене энцефалитінің 3, лайм ауруының 2 жағдайы тіркелді.
– Кене шағудың фактілері 2021 жылмен салыстырғанда былтыр 1,5 есеге артты. Биыл бұл оқиғаларды болдырмау мақсатында жұмыс жоспары құрылды. Мемлекеттік тапсырыс шеңберінде үстіміздегі жылдың сәуір және қыркүйек айлары аралығында Қызылжар ауданы Бескөл және Пеньково ауылдарында кенеге қарсы дезинсекциялық іс-шаралар өткізілетін болады. Кейін бұл жұмыстар қала аумағын қамтиды, – дейді Әсет Жұматаев.
