Облыстық қылмыстық-атқару жүйесі департаменті биылғы жылдың бірінші тоқсанында атқарылған жұмыстарды қорытындылады, деп хабарлайды Qyzyljarnews.kz тілшісі.
Жиында белгілі болғандай, ішкі істер органдарында қызметке орналасуға ниет білдірген азаматтардың саны 42 пайызға өсті. Десе де, қылмыстық-атқару жүйесіне қарасты мекемелерде жұмыс істегісі келетіндер қатары көбеймей отыр. Керісінше теріс динамика байқалады екен.
Облыстық қылмыстық-атқару жүйесі департаменті бастығының міндетін атқарушы Әділет Мұстафин бұл мәселені шешу үшін жүйелі түрде агитациялық жұмыстарды қолға алып, түзету мекемелеріне қажетті мамандарды тарту бағытында жастармен кездесулерді өткізу қажеттігін алға тартты.
Сондай-ақ шарада өзге құқық қорғау органдарымен өзара іс-қимыл шеңберінде ашылған қылмыстар саны артып, 108-ді құраған. Әділет Мұстафин мекемелерді үздіксіз бейнебақылаумен қамтамасыз етудің маңыздылығына және қызметкерлер арасында сыбайлас жемқорлыққа қарсы күреске ерекше назар аудару қажеттігін айтты.
