Биыл облыста 2021-2025 жылдары кәсіпкерлікті дамытуға арналған ұлттық жоба аясында 2,3 млрд. теңге бөлінді. Бұл қаражат бизнесмендерді субсидиялауға, несиелеріне кепілдік беруге және гранттарға жұмсалады, деп хабарлайды Qyzyljarnews.kz тілшісі.
Өткен жылы өңірде 537 жоба субсидияланса, кепілдік беру механизмі бойынша 126 кәсіпкер мемлекеттік қолдауға ие болып, 10 азаматқа грант берілді. Бұл туралы облыстық қоғамдық кеңесте экономика басқармасының басшысы Қуанышбек Қалижанов мәлім етті.
– Облыста кәсіпкерлікті дамыту мақсатында түрлі мемлекеттік бағдарламалар жүзеге асып келеді. Мәселен, республикалық бюджеттен «Даму» қорына ұлттық жобаны жүзеге асыруға 6 млрд. 990,6 млн. теңге бөлінді. Оның 6 млрд. 157 млн. теңгесі субсидиялауға 833,6 млн. теңге кепілдік беруге қарастырылды, – деді облыстық экономикасы басқармасының жетекшісі.
