208
Биыл облыстың елді мекендерін сапалы ауыз сумен қамту мақсатында 10,8 млрд. теңге бағытталды, деп хабарлайды Qyzyljarnews.kz тілшісі.
Облыстық экономика басқармасының басшысы Қуанышбек Қалижановтың айтуынша, үстіміздегі жылы таза ауыз сумен 36 ауыл қамтылады. Бюджеттен қарастырылған қаражатқа 250 шақырым болатын су өткізгіш құбырлар салынады.
– 2022 жылы халықты сумен қамту үшін 8,9 млрд. теңге бөлініп, 55 елді мекенде су мұнаралары мен жаңа су өткізгіш желілер тартылды. Осылайша 33,5 мың тұрғынға тіршілік нәрі жетті. Биыл бұл жұмыс жалғасып, жыл соңына дейін облыстағы сумен қамтылған халықтың үлесі 87,9 пайызды құрамақ деп күтілуде, – дейді Қуанышбек Қалижанов.
