255
Құндызбек Әбдірасылов ҚР Үкімет Аппараты басшысының орынбасары қызметіне тағайындалды, деп хабарлайды Qyzyljarnews.kz тілшісі.
ҚР премьер-министрінің ресми сайтының жазуынша, Құндызбек Әбдірасылов 1982 жылғы 16 қарашада дүниеге келген.
Білімі:
«Әулие Ата» университетін және Жамбыл гуманитарлық-техникалық университетін бітірген. Ақпарат жүйелері, қаржы және құқық салалары бойынша білім алды.
Еңбек өтілі:
Еңбек жолын 2005 жылы Жамбыл облысы Байзақ ауданы бойынша Салық комитеті Салық тіркеу бөлімінің штаттан тыс қызметкері болып бастады, осы жерде бас маман лауазымына дейін көтерілді.
- «Ұлттық ақпараттық технологиялар» АҚ, ҚР Статистика агенттігінде, Ұлттық экономика министрлігінде түрлі қызметтерде жұмыс істеді. Еуразиялық экономикалық комиссияның экономика және қаржы саясаты жөніндегі министрінің хатшылығын басқарды.
- 2014-2018 жылдары Астана қаласының Статистика департаменті басшысының орынбасары, департамент басшысы болды.
- Әр жылдары ҚР қаржы министрінің, ҚР премьер-министрі орынбасарының, ҚР премьер-министрінің кеңесшісі болып жұмыс істеді.
Қазіргі уақытқа дейін ҚР премьер-министрі хатшылығының меңгерушісі болып қызмет етті.
Бұрын осы лазауымда болған Асқар Жәкенов басқа жұмысқа ауысуына байланысты қызметінен босатылды.
