313
7 мамыр күні Петропавлдағы Интернациональная көшесінде жаппай төбелес болды. Солтүстік Қазақстан облысы полициясы департаментінің мәліметінше, қазір тергеу амалдары жүргізіліп жатыр, деп хабарлайды Qyzyljarnews.kz тілшісі.
Оқиға әлеуметтік желі арқылы белгілі болды. Ақпаратты желіге жүктеген адамның айтуынша, алты мас ер адам жасөспірімдерге шабуыл жасап, олардың басынан кезекпен ұрған.
Полицейлер ақпаратқа қатысты түсініктеме беріп, «Жанжал кезінде белгісіз біреулер 16 жастағы үш жігітке дене жарақатын салғаны анықталды» деді.
— Бұл дерек ҚР Қылмыстық кодексінің 293-бабы «Бұзақылық» бойынша тіркелді. Бұзақылық әрекетті жасады деген күдікпен 2003 жылы туған ер адам ұсталды, — деп хабарлайды СҚО ПД баспасөз қызметі.
