215
Тректегі велоспорттан Чехияның Прага қаласында өткен халықаралық турнирде солтүстікқазақстандық спортшы Артём Захаров жеңімпаз атанды, деп хабарлайды Qyzyljarnews.kz тілшісі.
Жерлесіміз тректегі омниум сынында жақсы нәтиже көрсетті. 117 ұпай жинақтаған Артем Захаров мәре сызығын бірінші болып кесті.
– Жарыста топ жару оңайға соқпады. Дегенмен мен жеңіс үшін аянбадым. Нәтиже көріп тұрғандарыңыздай – бірінші орын, – дейді Артем.
Байрақты бәсекеге 17 елден 140-қа жуық велошабандоз қатысты. Артем бірінші орын иеленсе, күміс жүлдеге украиналық спортшы қол жеткізді. Ал қола медаль Латвия мемлекетінің өкіліне бұйырды.
