Облыс әкімі Айдарбек Сапаров халықтың қысқа дайындығы көңіл көншітпей отырғанын алға тартты. Өңір басшысының пікірінше, мүдделі мемлекеттік органдар жағдайды өзгерту үшін пәрменді шаралар қабылдауы тиіс, деп хабарлайды Qyzyljarnews.kz тілшісі.
Кезекті әкімдік отырысында Айдарбек Сапаров тамыз-қыркүйек айларында көмірге деген сұраныс қайтадан артатынын атап өтті.
– Көмір дайындау жұмыстары нашар жүргізілуде. Бұл қалаға да, аудандарға да қатысты. Тек 8% — ға деген қажеттілік жабылды. Қалған 92% қашан жиналады? Ешқандай шу болмас үшін маусым-шілде айларында қара отынды көбірек өңірге жеткізу керек, — деді облыс әкімі.
Айдарбек Сапаров көмір жеткізушілермен жұмыс жасаумен қатар, халыққа түсіндіру жұмыстарын жүргізіп, жиындарда талқылау қажет деп санайды.
Мемлекеттік органдардың бақылауын талап ететін тағы бір мәселе – көмірді жеткізу құны. Тасымалдаушылар өз қызметтерінің бағасын негізсіз көтермеуі маңызды екенін де атап өтті өңір басшысы.
Энергетика және тұрғын үй-коммуналдық шаруашылығы басқармасы басшысының м. а. Павел Шиловтың айтуынша, бюджеттік ұйымдарға жылу беру маусымына 140 мың тонна көмір, халыққа — 419 мың тонна қажет. Ол қазір тұйықтарда 37 мың тонна жанармай бар екенін айтты. Оның ішінде халық арасында жоғары сұранысқа ие шұбаркөл көмірі.
