«Hyundai Tucson» автокөлігін басқарған 42 жастағы ер адам рөлге ие бола алмай, қарсы қозғалыс жолағына шығып, «ГАЗ-33098» көлігімен соқтығысты, деп хабарлайды Qyzyljarnews.kz тілшісі.
Маусымның 12-сі күні сағат 18:17-де Аққайың аудандық полиция бөлімінің кезекші бөліміне «Астана – Петропавл» автожолының 416-шақырымында жол-көлік оқиғасы болғандығы туралы хабарлама келіп түсті. Тәртіп сақшылары оқиға орнына келгенде 42 жастағы ер адам «Hyundai Tucson» автокөлігін басқара алмай, қарсы бағытқа шығып, «ГАЗ-33098» көлігімен соқтығысқанын айтқан. Жедел жәрдем бригадасының медицина қызметкерлері 37 жастағы ер адамды ауруханаға жатқызды. Аталған факт бойынша 42 жастағы ер адамға қатысты ҚР ӘҚБтК-нің 610-бабы 1-бөлігі бойынша әкімшілік хаттама жасалды.
