323
Петропавл №2 жылу-электр орталығы жылыту маусымына дайындалуда. Биыл мұнда қажетті жабдықтар жөнделіп, түтін құбыры салынып жатыр, деп хабарлайды Qyzyljarnews.kz тілшісі.
«Севказэнерго» АҚ баспасөз қызметінің ақпаратына сәйкес, орталықтағы жұмыстардың негізгі көлемі жылу жүктемесін көтермейтін жылуаралық кезеңде жүргізіледі. Компанияның бас директоры Олег Перфилов энергетиктердің басты міндеті — кесте бойынша технологиялық жұмыстар жүргізу және материалдар мен қосалқы бөлшектерді уақтылы жеткізуді қамтамасыз ету екенін атап өтті.
Биыл ЖЭО-да бес қазандық агрегаты мен бір турбогенераторды күрделі жөндеу жоспарланған, қайта құру сатысында №2 қазандық бар.
