Жылу-электр орталығын жөндеуге қосымша 6 млрд. теңге бөлінді

Петропавлдағы № 2 жылу-электр орталығындағы жөндеу жұмыстары жалғасуда. Биыл бұл мақсатқа 12 млрд. теңге қарастырылды, деп хабарлайды Qyzyljarnews.kz тілшісі.

«Севказэнерго» АҚ-ның акционерлерімен №2 ЖЭО-де жөндеу жүргізуге бағытталған қаражатты 6 млрд. теңгеден 12 млрд .теңгеге дейін ұлғайту туралы уағдаластыққа қол жеткізілді. Бұл қаражатқа ЖЭО-2-ның 11 қазандығы мен 7 турбина, жылу және электр желілері жөнделеді. Сондай-ақ, жаңа түтін құбыры салынады.

— Бүгіндері құбырдың құрылысы басталды. Барлық жұмыстар бақыланып, кестеге сәйкес орындалып жатыр, — деді Айдарбек Сапаров орталық коммуникациялар қызметі алаңында өткен баспасөз мәслихатында.

Өңір басшысының мәлімдеуінше, жаңа түтін құбыры құрылысын күзге дейін аяқтау жоспарланып отыр.