Петропавл тұрғыны жоғалған телефонын табуға көмектескен полицейге алғысын білдірді, деп хабарлайды Qyzyljarnews.kz тілшісі.
Маусымның 20-сы күні қала тұрғыны ұялы телефонын таксиде қалдырып кеткен. Ол бірден Петропавлдағы мәдениет және демалыс саябағының жанында тұрған модульдік полиция бекетінің қызметкерлеріне жүгінген. Ер адам көліктің маркасын да, нөмірін де есіне сақтамапты.
Кезекшілікте болған полицей Бауыржан Жаров таксидің диспетчерлік қызметіне хабарласып, көлікті анықтады. Телефонына қол жеткен соң петропавлдық тұрғын полиция қызметкері Бауыржанға алғысын жеткізді.
Тәртіп сақшылары модульдік бекеттер, сондай-ақ адамдар көп жиналатын жерлерде орналасқан «SOS» түймелері полиция қызметін халыққа жақын әрі қолжетімді ету мақсатында қойылғанын атап өтті.
