Облыста археологиялық ескерткіштерді іздеу барысында ерте темір дәуіріне жататын алып қорған табылды, деп хабарлайды Qyzyljarnews.kz тілшісі.
Тарихи-мәдени мұраны қорғау және пайдалану орталығының қызметкерлері Есіл ауданы аумағында биіктігі 7 метр және диаметрі 55 метр болатын ерте темір дәуірінің қорғанын тапқаны туралы әлеуметтік желідегі жеке парақшасында жариялады.
— Бұл алып қорған егістік алқаптың ортасында орналасқан. Темір дәуіріндегі қорғандар көбінесе тік жарты шарларға ұқсайды.
Қорғанның басты белгісі – оның пішінінің дұрыстығы. Әдетте, қорған жоспарда дөңгелектенеді, бірақ төртбұрышты және ұзартылған пішіндері де бар, — деп хабарлай орталық қызметкерлері.
Экспедиция бір айға созылды. Алдағы уақытта археологтар деректерді өңдеп, екі ай бойғы жұмыстарының қорытындысын шығарады.
