Бүгін Саяси қуғын сүргін және ашаршылық құрбандарын еске алу күнінде облыс әкімі Айдарбек Сапаров өңір тұрғындарымен бірге саяси қуғын-сүргін құрбандарына арналған ескерткішке гүл шоқтарын қойды, деп хабарлайды Qyzyljarnews.kz тілшісі.
Бұл туралы өңір басшысы әлеуметтік желідегі жеке парақшасында жазды.
– Еліміздің қасіретті кезеңінде жазықсыз жапа шеккендерге тағзым ету – әр адамның парызы. Бүгінгі ұрпақтың басты мұраты – барлық құрбан болғандардың жеке тарихын зерттеп, әділеттілік орнату. Тоталитаризм мен ашаршылықтың жазықсыз құрбандары туралы естелікті сақтай отырып, мемлекетіміздің бірлігін одан әрі бекемдей аламыз, – деп жазды СҚО әкімі.
Саяси қуғын-сүргін және ашаршылық құрбандарына арналған ескеркіште жиналғандар жазықсыз жазаға кесілгендерді бір минуттық үнсіздікпен еске алып, Құран бағыштады.
