Қазақстанда шілденің 1-нен бастап мүгедектігі және асыраушысынан айрылу жағдайы бойынша әлеуметтік жәрдемақы мөлшері ұлғаяды, деп хабарлайды Qyzyljarnews.kz тілшісі.
29 маусымда орталық коммуникациялар қызметінде өткен баспасөз мәслихатында Еңбек және халықты әлеуметтік қорғау Комитетінің төрағасы Төлеген Оспанқұлов, 1 шілдеден бастап аталған жәрдемақылар 14,5% — ға артатынын жеткізді.
— Мүгедектігі бойынша Мемлекеттік әлеуметтік жәрдемақы алушылардың саны 532,3 мың адамды құрайды, — деп атап өтті Төлеген Оспанқұлов.
Комитет төрағасы 2022 жылы Мемлекеттік әлеуметтік жәрдемақылардың мөлшері инфляцияға байланысты екі есе өскенін еске салды. 1 қаңтардан бастап әлеуметтік төлемдер 5% — ға, 1 сәуірден бастап — тағы 4% — ға, ал үстіміздегі жылы-8,5% — ға өсті.
