Қазақстанда шетелдік есепте тұрған көлік құралдарын заңдастыруға өтінім беру мерзімі аяқталды, деп хабарлайды Qyzyljarnews.kz тілшісі.
Жуырда тәртіп сақшылары шетелдік нөмірлері бар көліктерді тоқтатып, жүргізушілерге заңдастыру мерзімі туралы еске салды. Түсіндіру жұмыстары «Автокөлік» жедел-алдын алу іс-шарасының бірінші кезеңі шеңберінде де жалғасын таппақ. Ол 1-16 шілде аралығында өтеді.
17 шілдеден кейін тұрғындар өздерінің шетелдік көліктерін заңдастырмаса ҚР Әкімшілік құқық бұзушылық туралы Кодексінің 230-бабы бойынша жауапқа тартылатын болады.
— Бүгінгі таңда облыста шетелдік есепте тұрған 8215 автокөлік заңдастырылды, оның 145 — і «конструкторлар», яғни ҚР-на қосалқы бөлшектер түрімен әкелінген көлік құралдары. 1 шілдедегі жағдай бойынша жария етуге 405 өтінім берілді, — дейді СҚО ПД әкімшілік полиция басқармасының бастығы Серік Әлжанов
