Солтүстікқазақстандық «меф» және «тұз» үшін 11 жылға бас бостандығынан айырылды, деп хабарлайды Qyzyljarnews.kz тілшісі.
СҚО-ның 26 жастағы тұрғыны өткен жылы Петропавл қаласының аумағында синтетикалық есірткінің аса ірі мөлшерімен ұсталған болатын. Ер адам полицейлерді сол кезде де есірткі таратпағанын айтып, сендіруге тырысқан. Кездейсоқ 40 мефедрон мен α-PvP бар ораманы тауып алып, өзінің жеке қолдануы үшін қалдырыпты-мыс. СҚО ПД есірткі қылмысына қарсы іс-қимыл басқармасының жедел уәкілдері күдіктінің синтетикалық есірткілерді өткізуге қатысы барын анықтады.
«Қазіргі уақытта ер адам 11 жыл мерзімге бас бостандығынан айырылды. СҚО-да осы жылдың 6 айы ішінде есірткі сатқаны үшін 13 адам сотталды. Жедел-іздестіру іс-шараларының нәтижесінде полиция қызметкерлері жарты жыл ішінде 1 кг астам синтетикалық есірткі тәркіледі», — деп хабарлайды СҚО ПД есірткі қылмысына қарсы іс-қимыл басқармасының бастығы полиция подполковнигі Иван Терзиди.
