Петропавлда бір жерде екі жол апаты болды, деп хабарлайды Qyzyljarnews.kz тілшісі.
13 шілде сағат 00:10 шамасында Петропавл қаласы Қожаберген жырау көшесінде 38 жастағы ВАЗ 2114 автокөлігінің жүргізушісі жолға шыққан жаяу жүргіншіні соғып кетті.
19 жастағы жаяу жүргінші сол жерде қайтыс болды. Сағат 00:30 шамасында оқиға орнына жақын тұрған Hyundai H350 жедел жәрдем көлігі мен өтіп бара жатқан Mercedes-Benz 124 соқтығысты.
Апат салдарынан 22 жастағы фельдшер медициналық мекемеге жатқызылды. 37 жастағы Mercedes жүргізушісі оқиға орнынан қашып кеткен, алайда көп ұзамай полиция қызметкерлері ұстады.
ЖКО фактілері ҚР ҚК 345-бабының 3-бөлігі және 345-1-бабының 1-бөлігі бойынша сотқа дейінгі тергеудің бірыңғай тізілімінде тіркелді.
Көлік құралдары айыптұраққа қойылды. Полиция қажетті сараптамаларды тағайындау және түпкілікті іс жүргізу шешімін қабылдау үшін материал жинап жатыр. Тергеу жүріп жатыр.
