168
17 шілдеде Жұмабаев — Абай көшелерінің қиылысында жол апаты орын алды, деп хабарлайды Qyzyljarnews.kz тілшісі.
«Hyundai Santa Fe» және «Chevrolet Aveo» көліктері соқтығысқан. Жол-көлік оқиғасы салдарынан Chevrolet Aveo көлігі жаяу жүргінші жолағында тұрған жаяу жүргіншіні қағып кетті.
— Жол апаты салдарынан 55 жастағы жаяу жүргінші, 19 жастағы жүргізуші және «Chevrolet Aveo» көлігінің екі жолаушысы медициналық мекемелерге жеткізілді. Медициналық көмек көрсетілгеннен кейін олар үйлеріне қайтарылды. Қазіргі уақытта жол-көлік оқиғасы фактісі бойынша материалдар қосымша тергеу және процессуалдық шешім қабылдау үшін Петропавл қалалық полиция басқармасының бөлімшесіне жіберілді, — делінген хабарламада.
