Ағымдағы жылдың 1 сәуірінен бастап республика бойынша бірінші сыныпқа құжаттарды қабылдау Қазақстан Республикасы Білім және ғылым министрлігінің 2018 жылғы 12 қазандағы № 564 бұйрығымен бекітілген оқуға қабылдаудың Үлгілік қағидаларына сәйкес жүзеге асырылады, деп хабарлайды Qyzyljarnews.kz тілшісі.
Құжаттарды қабылдау мемлекеттік қызметі egov.kz электрондық үкіметі порталы және жергілікті атқарушы органдардың ақпараттық жүйелері арқылы жүзеге асырылады, сондай-ақ мектептермен бір жұмыс күні ішінде көрсетіледі.
Жаңа оқу жылында республика бойынша бірінші сыныпқа қабылданатын оқушылардың болжамды контингенті 410 мыңнан астам баланы құрайды. Қазіргі уақытта бірінші сыныптарға 292 640 бала қабылданды.
Бірінші сыныпқа құжаттарды қабылдау ағымдағы жылдың 1 тамызына дейін жалғасады.
