Солтүстік Қазақстан полицейлері Оралдан чемпион болып оралды, деп хабарлайды Qyzyljarnews.kz тілшісі Polisia.kz сайтына сілтеме жасап.
20-22 шілде аралығында Орал қаласында “Динамо” ДШСҚ мен ҚР ІІМ Х ведомствоаралық спартакиада бағдарламасында Президенттік көпсайыстан Қазақстан чемпионаты өтті. Онда елдің барлық аймақтарының полицейлері қатысты.
Барлығы 29 команда өнер көрсетті, олар погон таққан 150-ден астам спортшыны біріктірді. Олар Макаров тапаншасынан ату, жүзу, граната лақтыру, сондай-ақ қысқа және ұзақ қашықтыққа жүгіру жарыстарында бақ сынасты.
СҚО полиция департаментінің қызметкерлері табанды күресте жалпы командалық 1-орынға ие болды.
Солтүстік өңірдің командасының құрамында СҚО ПД аппаратының қызметкерлері Олег Гурский, Дмитрий Шварц, Александр Хакимов және Элдос Сыздықов болды. Олардың ішінде Дмитрий мен Александр жеке есепте бірінші, Олег екінші орынға ие болды. Бұл – солтүстікқазақстандықтардың жалғыз жетістігі емес. Жарыс нәтижелері ҚР Құқық қорғау органдары, күш және арнайы құрылымдар қызметкерлерінің ведомствоаралық спартакиадасы есебіне алынды. Онда Дмитрий Шварц та бірінші орынды иеленді.
