Солтүстік Қазақстан облысының әкімі Айдарбек Сапаров өңір жастарымен кездесті, деп хабарлайды Qyzyljarnews.kz тілшісі.
– Біздің міндетіміз – жас ұл-қыздардың өсіп-өркендеуіне, өзін-өзі тануына лайықты жағдай жасау, олардың көздеріндегі отын сақтап, озық идеяларын өшіріп алмау, – деді өңір басшысы.
Әкім қазіргі таңда бірнеше бағытта жұмыс жүргізіліп жатқанын айтты:
– М.Қозыбаев атындағы Солтүстік Қазақстан университетінің студенттері үшін 1600 орынға 3 жатақхана салынып жатыр;
— «Дипломмен ауылға!» жобасы аясында 430 ЖОО түлегіне көтерме жәрдемақы төленді. Жалпы сома 148,4 млн.теңгені құрады;
— «Бастау-Бизнес» жобасы аясында 607 жас кәсіпкерлік негіздеріне оқытылды;
– Биыл жастар кәсіпкерлігін дамыту мақсатында 650 млн теңгеге 130 шағын несие беру жоспарлануда.
– Бұл қабылданған шаралардың бір бөлігі ғана. Жастарымыздың әлеуеті зор. Өз тарапымнан жастармен диалогқа әрқашан ашық екенімді атап өткім келеді, – деп түйіндеді сөзін Айдарбек Сапаров.
