Петропавлда «Мен кәсіпкер» кәсіпкерлік әлеуетін дамыту құралы аясында облыстық кәсіпкерлер палатасы ұйымдастырған тігіншілікті тегін оқыту курсы аяқталды, деп хабарлайды Qyzyljarnews.kz тілшісі.
Оқыту курстары оқу-өндірістік комбинатының базасында маусым 30-ы мен тамыздың 1-і күндері аралығында өтті.
— Оқу бағдарламасы 140 академиялық сағатты қамтыды және барлық қатысушылардың негізгі дайындық деңгейін ескере отырып құрастырылды, – дейді Кәсіпкерлер палатасы жанындағы Әйелдер кәсіпкерлігін дамыту орталығының менеджер-кеңесшісі Ирина Васильева.
Ұйымдастырушылардың айтуынша, халықтың тігін бұйымдарына деген сұранысы артып келеді. Осыған байланысты тек өзіне, отбасына ғана емес, сонымен қатар тігіншілікпен айналысқысы келетін қыз-келіншектердің қатары артты. Рас, тігінші –еңбек нарығында ерекше танымал, сұранысқа ие мамандық. Одан бөлек заманның талабына сай талғаммен киіну – табысқа бастайтын алғы шарттардың бірі. Тігін тігу өнері – махаббат пен сұлулыққа деген құштарлықтан туындаса керек. Ал курс барысында 20 қыз-келіншек тігін үйренуден басқа –тауарларын сату, шығындарын есептеу сынды қыр-сырын үйренді.
