Облыстың «Құлагер» командасы алдағы хоккей маусымына дайындалуда. Қазіргі уақытта клубтың құрамы жаңа екі ойыншымен толықты, деп хабарлайды Qyzyljarnews.kz тілшісі.
Алдағы хоккей маусымында «Құлагер» клубының сапында ресейлік шабуылшы Артем Гарифуллин ойнайды. Ярославтық хоккей мектебінің түлегі өткен жылы Францияның «Бриансон» командасы сапында өнер көрсетті. «Магнус» лигасында 50 кездесу өткізген спортшы 26 ұпай (10 шайба + 16 голдық пас) жинап үлгерді. Сондай-ақ ел чемпионатында атыраулық «Бейбарыста» да бағын сынап, Қазақстан біріншілігінің қола жүлдегері атанды.
«Құлагер» клубы ресейлік қорғаушы Станислав Калашниковпен де келсімшарт жасасты. 32 жастағы ойыншы хоккейдегі кәсіби мансабын 2008-2009 жылдары омбылық «Авангард» командасының сапында бастады. Құрлықтық хоккей лигасында ол 229 матч, жоғары хоккей лигасында 153, жастар хоккей лигасында 172 және бірінші лигада 39 кездесу өткізді. ҚХЛ-да Станислав «Авнгардтан» бөлек, «Северсталь», «Нефтехимик», «Югра» және «Торпедо» командалары қатарында өнер көрсетті.
