306
Петропавл әкімдігі мердігер компания жіберген кемшіліктерге байланысты қалада қайта салынған үш жолды пайдалануға қабылдамады, деп хабарлайды Qyzyljarnews.kz.
Петропавл қаласының әкімі Серік Мұхамедиевnің айтуынша, қазіргі уақытта облыс орталығында 25 көше жөнделген. Олардың 19-ынан зертханалық зерттеулерге сынама алынды. Үш дайын нысанды әкімдік пайдалануға қабылдамады.
— Пржевальский, 314-атқыштар дивизиясы және Батыр Баян көшесі бойындағы үш жол төсемі пайдалануға қабылданбады. Мердігерлер кемшіліктерді жоюы керек. Қабылданған көшелердің өзінде кепілдік мерзімінде асфальттың жағдайына ұйымдар жауапты болады, – деді қала әкімі.
Қала әкімі зерттеу нәтижесі әлі толық дайын емес екенін айтты. Сарапшылар сегіз нысанды зерттеп жатыр, соның қорытындысы бойынша жол бөлігінің дайындығы мен стандарттарға сәйкестігі туралы шешім қабылданады.
