220
СҚО-да полицейлер банк клиенттеріне интернет-алаяқтықтың қаупі туралы ескертті, деп хабарлайды Qyzyljarnews.kz тілшісі Polisia.kz сайтына сілтеме жасап.
Интернет-алаяқтықты алдын алу шарасына полицияның жедел уәкілдерімен қатар банктердің қауіпсіздік қызметінің мамандары да қатысты. Олар күту залына көрнекі ақпарат орналастырып, теледидардан профилактикалық бейнероликтер көрсетті.
Статистикаға сүйенсек, жыл басынан бері СҚО-да интернет-алаяқтықтың 400-ден астам фактісі тіркелген. Оның 312-сі Петропавлда анықталды. Зардап шеккендер – 40 пен 60 жас аралығындағы адамдар екен. Тіркелген алаяқтықтардың ішінде ең жиі кездесетіні — “банктен қоңырау шалу” әдісі.
