Облыста «Amanat» партиясының сайлауалды бағдарламасы негізінде жол картасын іске асыру барысын қадағалайтын арнайы 15 мониторингтік топ қызмет атқарады, деп хабарлайды Qyzyljarnews.kz тілшісі.
Партиялық бақылаудың міндеті – жоспардың уақытылы орындалуын,бюджеттің игеріліуін,еңбек жағдайларының сақталуын бақылау.Партиялық бақылау бекеттерінің өкілдері мердігерлермен,және де тапсырыс берушілермен тығыз байланыс орнатқан.Жол картасы аясында бірнеше маңызы бар жолдар бақылауға алынды.Оның ішінде «Челябі – Новосібір» автожолының ұзаққа созылған құрылысын атап өтуге болады.Петропавлдан Қорған шекарасына дейінгі маңызы бар жолдың учаскесі 2017 жылы қайта жаңартыла бастады. Мердігерлермен ұзаққа созылған сот салдарынан жұмыс тек осы жылы қайта іске қосылған.Қазіргі уақытта бұл нысан «Аманат» партиясының ерекше бақылауына алынып отыр.
— Партиялық бақылау жолдарға ерекше назар аударады.1 наурызда партия төрағасы Ерлан Жақанұлы Қошанов республикалық сайлауалды штабтың өңірімізге сапары барысында жолдарды,соның ішінде республикалық маңызы бар жолдарды реконструкциялау мен жөндеуге күшейтілген мониторинг жүргізу туралы тапсырма берген болатын, — дейді «Amanat» партиясы облыстық филиалының атқарушы хатшысы Жеңіс Асанов.
