184
Жыл басынан бері облыста 105 мың гектарға жуық ауыл шаруашылығы жері мемлекет меншігіне қайтарылды, деп хабарлайды Qyzyljarnews.kz тілшісі.
Жер ресурстарын басқару департаментінің басшысы Бақытжан Бекіштің ақпараты бойынша, маусым айынан бастап облыстық прокуратурамен бірлесіп, 5,3 мың гектар жайылымдық жер мәжбүрлеп алып қою туралы сотқа екі талап-арыз жолдады.
— Жыл басынан бері ауыл шаруашылығы мақсатындағы жерлер бойынша 65,5 мың га алаңда 32 тексеру жүргізілді, 37,9 мың алаңда 23 бұзушылық анықталды. Бұзушылықтарды жою туралы 23 ұйғарым берілді, олар мемлекеттік кірістер департаментіне 20 есеге ұлғайтылған салық мөлшерлемесін қолдану үшін жіберілді. 1,6 млн теңгеден астам сомаға 20 айыппұл салынды, — деп толықтырды Бақытжан Бекіш.
