82
«Қазгидромет» РМК күн райының қолайсыздығына байланысты 21 тамызға бірнеше өңірде ескерту жариялады, деп хабарлайды Qyzyljarnews.kz.
Астана қаласында түнде найзағай күтіледі.
Ақмола облысының батысында, солтүстігі мен шығысында найзағай күтіледі. Күндіз облыстың солтүстігінде бұршақ жауып, түнде және таңертең батыс аумақты тұман басады. Желдің екпіні найзағай кезінде 15-20 м/с құрайды. Облыстың батысында, оңтүстігі мен солтүстігінде жоғары өрт қаупі сақталады.
Күндіз Солтүстік Қазақстан облысының солтүстігінде, батысы мен оңтүстігінде найзағай, бұршақ күтіледі. Түнде және таңертең облыстың оңтүстік-батысында тұман болжанады. Желдің екпіні 15-20 м/с құрайды. Өрт тұтану қаупі сақталады.
