282
Қазақстандық теннисші Тимофей Скатов «US Open» турнирінің іріктеу кезеңін сәтті бастады, деп хабарлайды Qyzyljarnews.kz тілшісі.
Солтүстік Қазақстан облысының тумасы іріктеу кезеңінің алғашқы айналымында жапониялық Каити Утиданы 1 сағат 13 минуттың ішінде 6:2, 6:2 есебімен жеңіп, квалификация жарысының екінші айналымына жолдама алды. Тимофей келесі кезеңде италиялық Рауль Бранкаччиомен кездеседі.
Бұл турнирдің іріктеу кезеңінде бақ сынап жатқан тағы бір қазақстандық Михаил Кукушкин екінші кезеңде Энцо Кокомен кездеседі. Михаил алғашқы айналымда италиялық Маттио Белуччиді 6:4, 7:6 (4) есебімен жеңген еді.
