243
СҚО әкімі Айдарбек Сапаров ауылдық мектептерге жол тартатын 29 автобустың кілтін табыс етті, деп хабарлайды Qyzyljarnews.kz тілшісі.
Облыстық білім басқармасының мәліметінше, бүгіндері балаларды мектепке тасымалдау мақсатында 143 арнайы көлік бар. Автобустар оқушыларды алыс-жақын ауылдардан жеткізіп, түрлі жарыстар мен олимпиадаларға жеткізеді. Биыл олардың қатары жаңа техникамен толықты.
— Жаңа автобустар оқушылар үшін ыңғайлы әрі қауіпсіз болады. Көліктер кондиционер, жылдамдықты шектегіш және қауіпсіздік белдіктерімен жабдықталған. Сондай-ақ пандус пен жүргізушіні шақыру түймелері де бар. Өңірде алдағы уақытта да автопаркті жаңарту жұмысы жалғасын табады, — деді СҚО әкімі Айдарбек Сапаров.
