СҚО-да кәсіпкер бірінші санатқа жататын тауық жұмыртқасының бағасын негізсіз өсірді, деп хабарлайды Qyzyljarnews.kz тілшісі.
Облыстық кәсіпкерлік және индустриялық-инновациялық даму басқармасының мәліметінше, аталмыш ведомсво мамандары «Тайга» сауда орталығында саудаланатын азық-түлік тауарларына мониторинг жүргізді. Нәтижесінде жұмыртқаның бағасын өсірген кәсіпкер анықталды. Ол әлеуметтік маңызы бар өнімді белгіленген құнынан 15% -ға артық етіп сатқан.
Кәсіпкер жұмыртқаны тікелей жергілікті құс фабрикасынан сатып алып жүрді. Бірақ сөрелерге бұл өнімді 550 теңге қойып саудалаған. Тексеріс нәтижесінде оның бағасы 437 теңгеге дейін төмендетілді.
Қолданыстағы заңнамаға сәйкес, қайта бұзылған жағдайда шағын кәсіпкерлік субъектісіне — 10 АЕК (34 500 теңге), орта кәсіпкерлікке — 75 АЕК (258 750 теңге), ірі кәсіпкерлік субъектілеріне – 300 АЕК (1 млн теңгеден астам) мөлшерінде айыппұл салынады.
