72
Соңғы күндері Петропавл аспаны жарқырап, сары түске боялған. Мұны қала тұрғындарының көбі табиғи құбылысқа балады. Ал шын мәнінде өнеркәсіп аймағында жақында іске қосылған жылыжайлардан жарық тараған, деп хабарлайды Qyzyljarnews.kz тілшісі.
Аспанның сары түскен боялу себебін «Радуга» ЖШС бас директоры Дмитрий Шарапаев түсіндірді.
– Жаңа жылыжайға қиярдың алғашқы партиясын отырғыздық. Әрине көкөністерді қажетті жарықпен қамтамасыз ету үшін түнгі уақытта күн сәулесін алмастыратын шамдарды қосамыз. Осыдан болар, аспан сары түске боялды, — дейді Дмитрий Шарапаев.
Оның сөзінше, әзірге жылыжайда қосуға жоспарланған 11 мың шамның 5 мыңы ғана жанды. Өзге көкөністер отырғызылғаннан кейін қалған шамдар қосылады.
