253
Қыркүйектің 7-сі мен 12-сі күндері аралығында Өзбекстанның Хива қаласында гір спортынан әлем чемпионаты мен әлем кубогы өтті. Жарыста ел намысын солтүстікқазақстандықтар қорғады, деп хабарлайды Qyzyljarnews.kz тілшісі.
Гір спортынан өткен халықаралалық додада ұлттық құрама сапында Уәлиханов ауданының спортшылары өнер көрсетті. Аудандық балалар мен жасөспірімдерге арналған спорт мектебінің өкілдері намысты қолдан бермей, екі жүлделі орынға ие болды.
Әлем кубогы үшін сында жасөспірімдер арасында «U-23» санатындағыларда Бекежан Мейрам екінші орынды қанжығасына байлады. Ал әлем біріншілігіндегі «U-16» санатында Шыңғыс Мұсайбек қола жүлдені місе тұтты.
