433
М.Қозыбаев атындағы Солтүстік Қазақстан университетінің «Пилигрим» халықтық студенттік театры XIV Ұлттық Дельфий ойындарында «Театр өнері» аталымы бойынша 3 орынды жеңіп алды, деп хабарлайды Qyzyljarnews.kz тілшісі.
Астана қаласында өткен байқауда студенттік театр көрермен назарына «Қараңғыдағы дауыстар» қойылымын ұсынды.
Дельфий ойындары бұл – спорттық емес, шығармашылық ойын. Мұнда еліміздің 17 облысынан барлығы 500-ге жуық өнерпаздар қатысты. Қатысушылар скрипка, фортепианода, халық аспаптарында ойнау, академиялық және халық әндері, би, фотосурет, сән үлгісі, театр, бейнелеу өнері, сәндік-қолданбалы өнер сынды 14 аталым бойынша бақ сынады.
