Облыс орталығында барлығы 585 аула бар. Бүгіндері 401-інде ойын алаңқайлары орнатылды, деп хабарлайды Qyzyljarnews.kz тілшісі.
Қалалық әкімдіктің мәліметінше, шаһар аулаларын қажетті спорттық тренажерлермен және ойын алаңқайларымен қамту жұмысы 2016-2022 жылдар аралығында жүргізіліп, 401-інде тиісті шаралар атқарылған.
– 20 ойын және 30 спорттық алаңдарды жабдықтау жұмыстары жүргізіліп жатыр. Қазіргі таңда «Үкімет қатысатын бюджет» бағдарламасы шеңберінде 8 алаңқай орнатылуда, — дейді қала әкімі Серік Мұхамедиев.
2022 жылы қала әкімдігі «Еститін мемлекет» тұжырымдамасы негізінде тұрғындардың өтініштерін қабылдап, петропавлдықтардың 9 жобасын мақұлдады.
Үстіміздегі жылы Петропавл қаласы әкімдігінің интернет-ресурсында қалалықтардан 7 жобаны іске асыру жөнінде өтініш түсті. Барлығы да дауыс беру арқылы қолдау тапты. Олардың қатарында аулаларды абаттандыру, ойын және спорттық алаңқайларын тұрғызу, Парфирьев көшесінде демалыс алаңын салу сынды жобалар бар.
