Әйелдер кәсіпкерлігін дамыту шеңберінде «Атамекен» кәсіпкерлер палатасының облыстық филиалы алғаш рет №50 түзету мекемесінде сотталған қыз-келіншектрге арналған «Ұн және кондитерлік өнімдер өндірісі» аспаздық шеберлік курсын ұйымдастырды, деп хабарлайды Qyzyljarnews.kz тілшісі.
Курс шеңберінде 5 сотталған аспаз-кондитер Динара Тамышеваның басшылығымен бәліштің үш түрін дайындау, ас үй ыдыстарымен және жабдықтармен кәсіби жұмыс істеуді үйренді.
– Мен тағам дайындау ісін үйренгім келеді. Динара бізге тамаша консистенциясы бар қамырды дайындаудың құпияларын көрсетті, сонымен қатар басқа да пайдалы кеңестермен бөлісті. Біздің әрқайсымыздың отбасымыз бар, бостандыққа шыққаннан кейін біз оларды дәмді кондитерлік өнімдермен қуантуға тырысамыз, тіпті кондитерлік дүкен ашамыз деп жоспарлап отырмыз, – деді сотталғандардың бірі.
Курс аяқталғаннан кейін сотталғандарға сертификаттар табысталды. Бұл құжат оларға аспаз кәсібі бойынша жұмысқа орналасуға немесе боастандыққа шыққанда жеке кәсіп ашуға мүмкіндік береді.
