190
Футболдан Қазақстан құрамасы Еуро-2024 турниріне іріктеу аясында Финляндияны 2:1 есебімен жеңіп, H тобында 15 ұпай жинады, деп хабарлайды Qyzyljarnews.kz.
Финляндия құрамасы алғашқы таймда есепті ашты. Ал екінші таймның 77-минутында Бахтиер Зайнутдинов пенальти кезінде гол салып, таразы басын теңестірді. 90-минутта Бахтиер Зайнутдинов тағы бір нәтижелі соққы жасап, ұлттық құраманы алға шығарды.
Кездесу 2:1 есебімен қазақстандықтардың жеңісімен аяқталды.
Қазақстан құрамасының Еуро-2024 іріктеу кезеңінде тағы екі ойыны бар. 17 қарашада Сан-Мариномен, 21 қарашада Словениямен ойнайды.
